星島獨家丨Jer被《造星IV》翻版朱茵Alice姣媾 正印嬲爆唔拒絕忍痛分手

MIRROR成員柳應廷（Jer）與女友Kelly拍拖5年一直恩愛，不過近日卻傳出情變消息，先是Kelly取消關注Jer的社交平台，又刪取所有跟Jer的合照，Jer出席活動時否認分手，表示兩人還是戀人關係，並稱會努力𠱁返女友，不過最新消息係Jer已取消關注女友的社交平台，五年情告終。據知兩人分手主要原因是Jer為《全民造星IV》擔任25強導師時被22歲,有翻版朱茵之稱的參賽者許寶恆（Alice）姣媾,正印Kelly驚訝男友唔識拒絕之餘仲非常受落因而嬲爆分手。

Jer聯同肥仔、AK、阿Dee及Lokman做25強導師。

阿Jer係Alice嘅導師。

10月時，Kelly上載舊旅行相多謝男友。

傳出情變後，Jer出席活動時承認與女友只是普通情侶鬧交，不涉及第三者，並會努力𠱁返女友，正當大家都以為他們只是「耍花槍」，但最近Jer已經取消關注女友的社交平台帳號，而原本Kelly還繼續追蹤Jer的Fan Club帳號，最後亦已經取消關注,不過,Jer跟新歡Alice就繼續互相Follow。

阿JER有 Follow Alice。

Alice亦有Follow阿Jer。

 

Jer試過出Po多謝女友支持。

 

Kelly一直好支持男友追夢。

今年《全民造星IV》目標是選女團，節目播出時亦已進入25強，據知Jer擔任25強導師時與Alice開始接觸，Alice更主動向Jer發動追求攻勢，難得Jer亦非常受落，就算有女朋友都冇避忌。知情者透露：「其實係Kelly發現Jer同《全民造星IV》一個參賽者傾偈傾得好密，發覺唔對路，再聽身邊啲人講更嬲到要分手，最後決定將Jer移除唔俾佢關注，不過Jer的社交平台仍保留緊與女朋友的舊照及片段，希望有得救！」

睇唔出Alice年紀輕輕媾仔都好厲害。

而Alice身邊的二五朋友透露：「Alice本身只係做文員，自己都有男朋友，雖然唔係特別唱得跳得，但評判都好鍾意佢，最後入到30強再遇到Jer做導師，Alice難得見到偶像當然進取，後來仲同Jer交換電話，成日私下聯絡。」二五繼續爆，「Alice不斷周圍同人講話Jer想同女朋友分手，同一時間Alice又係想同男朋友分手，Alice話覺得自己同Jer係同一時間想同另一半分開而遇到大家係緣分，不過Jer好小心，唔係成日覆佢訊息，但Alice就沉晒船，又周圍同人分享，所以好多參賽者同ViuTV工作人員都知道呢件事，個個勸佢收手都唔聽，最後Jer女朋友發現嬲到即刻嗌分手！本來Jer都有極力挽救，但始終工作忙加上大壓力，都冇乜心機𠱁，加上見到Kelly態度決絕，佢都覺得應該冷靜吓！」

 

相信「鏡粉」唔會放過Alice。

有《造星》Fans好厲害，睇完尋晚嗰集已經有所聯想。