Juicy叮｜迪士尼餐廳排隊45分鐘買餐女兒獨等嚇到喊 港媽心痛：她真係好驚 

對於不少家長而言，帶同年幼子女外出遊玩時需要兼顧的事情非常多，經常會為此大感頭痛。一名港媽早前網上發文，講述帶女兒到迪士尼樂園遊玩時，因為園內餐廳非常擠擁，只好讓女兒獨自留於座位，自己則排隊足足45分鐘買餐點，到買到食物時，女兒已因獨留多時受驚哭了起來，她頓時感到非常心痛，形容「呢餐飯真係畢生難忘」，貼文引起家長熱烈討論。 

事主早前於facebook一群組發文，指早前的一個周末，她帶同4歲女兒到迪士尼樂園遊玩，其間女兒感到肚餓，但園內餐廳顧客相當多，即使選擇到顧客最少的「彗星餐廳」仍爆滿。當她進入餐廳後，職員提醒她先找座位，她安頓女兒坐下後，立即買食物，讓女兒獨自等候，「我仲驚她悶，將電話留給她」。

豈料，當天餐廳食客眾多，事主要花上45分鐘買食物：「一邊排隊一邊心掛掛，好擔心女兒只自己一人」，到事主成功拿到餐點後，她未及付款已急不及待返回女兒身旁，「個心砰砰咁跳，其實我好驚」。當看到女兒的表情，令事主畢生難忘：「她沒有玩電話，而係大大粒眼淚望住我！我不敢想像當時她有甚麼感受，她內心肯定好驚好驚，點解媽咪咁耐都未返嚟，連我自己都驚到腳軟，佢一個4歲小朋友，點樣識得表達」。 

事主形容看到女兒的表情，感覺非常難過：「心痛到難以形容」，又指日後不會再放下女兒如此長時間，「以後我寧可不吃東西，我都不敢再放低佢，我怕發生了什麼事情，我一世後悔！」她又希望園方能夠為有需要的家長或食客提供協助，如增設手機下單，或提供送餐服務等。 

回應事主的家長中，不少都認為無論如何不應獨自留下女兒：「只得她一個人你都放低佢，太危險了媽媽，你可以同佢一齊去買食物、買外賣再去找位置，好過放低小朋友自己一個」、「小朋友咁細個，下次同佢一齊買嘢食，跟住外賣再搵位/坐出長櫈食，總好過放低佢自己一個」，事主直言經過今次教訓，日後都不敢再這樣做：「我下次會醒目啲，唔敢再放低佢啦」。

同時，亦有網民認為今次事件本可避免，因為事主帶孩子外出遊玩前，應事先準備乾糧或在園內購買小食，不一定要到餐廳用餐；而即使事主在排隊方面有困難，若她即時提出，或許職員能提供協助：「入園前一定要先吃東西，帶一些烚蛋、餅乾蛋糕仔飲品給孩子吃」、「我知道一個人帶小朋友並不容易，不過餐廳快餐形式運作，你不能怪責不送餐」、「我相信只要開聲問，都會有人願意幫忙，我絕對明白有時候真係逼不得已」。