Juicy叮｜住天水圍29年網民大彈公屋多配套差 勸莫買同區樓惹爭議

一名自稱在天水圍居住29年的網民，在「香港討論區」發文，大彈天水圍區內環境配套等都差，奉勸其他網民莫買天水圍樓，惹來激烈爭議。

網民首先抱怨天水圍居民素質參差，指天水圍有大量新移民和公共屋邨，聲稱家庭月入長期處於全港最低水平，又認為教育水平都是最低，認為「如果有小朋友搬入去天水圍，絕對令小朋友受損」。網民又指商場街市的物價絕不比元朗、屯門甚至市區為低。

網民又指，天水圍近二三十只有一些舊屋苑，即使偶有一些新的住宅落成，但基本上私樓都被公屋包圍住，而最近濕地公園附近的新盤又偏僻，又多蚊，「真係俾我都唔住，所以天水圍跌市一定第一個跌，上升都最尾先上升」。

網民又批評天水圍設施配套不足，除了公屋街市及食環署臨時街市外，「一個似樣少少啲街市都無，係呢個街市霸權嘅地方，基本上買餸要硬食貴價菜同肉，唔似得元朗咁有二三個公營街市同街舖」。他又指康樂設施方面，除了圖書館外，基本上康文設施嚴重不足，只有一個天水圍公園。

 

網民批評天水圍居民環境配套差勸人莫買天水圍樓惹爭議。示意圖片

網民又說，天水圍大部分學校都是第二組別、第三組別的學校，「正所謂近朱者赤，點解市區嘅家長咁想仔女入到名校網？因為就算你讀唔成書，你啲仔女啲同學將來都會係醫生律師嘅朋友圈，唔通你想個仔將來都係公屋圈輪迴？」

網民又聲言，「你就會發覺買天水圍真係死路一條，首先同樣價錢，我點解唔買屯門同元朗？起碼有上升潛力，又食到發展潛力，天水圍有咩好？我答你: 無！」

 

網民批評天水圍居民環境配套差勸人莫買天水圍樓惹爭議。示意圖片

言論惹來不少網民爭議，有人認同稱「住過一年栢慧，有樣嘢真係好同意，天水圍雖然公屋多，但物價真係好貴...」、「交通差，西鐵一係太逼一係上唔到車，轉K車太多人逼」。

不過有人反駁，「咁差又住三十年？」、「我想住半山，但無錢。睇餸食飯！」、「香港而家邊區無新移民？自己見識小」、「當年天水圍咁遠，咁隔涉，如果無大量公屋你估啲商場、街市、康樂設施、交通基建………會存在？會有現在規模？真係食米唔知米貴。入住前未識，入住後一樣唔知。樓主連呢樣都睇唔透，對樓市分析真係唔洗睇。而一路睇落嚟，果真像師奶抱怨」、「其實天水圍都幾大，只討論嘉湖山莊面積都好大。一般已近西鐵站作對外交通嘅樓盤可考慮(我之前住了天盛十多年)。西鐵返工時間可上車，但只有企位，亦較迫。如公司地點近屯馬線係可以的。基本設施都好，我舊時都周不時去屏山圖書館(多數人稱天水圍圖書館)，而周日多搭屯馬去元朗食嘢。現天水圍樓(嘉湖)性價比仍算高。另外，有人用屯門樓比，但近屯門站的應貴過天水圍樓不少。(而屯門樓宇分佈係比較分散的)。」

帖文轉載自「香港討論區」