張艾嘉努力工作50年 獲嶺南大學頒授博士學位

張艾嘉今日出席「榮譽博士學位頒授典禮」，獲嶺南大學頒授榮譽人文學博士學位，以表彰在其專業領域的卓越成就及造福社會的重要貢獻。

身為好友的梁詠琪（Gigi）與老公Sergio、施南生、唐鶴德（唐唐）等專誠到場見證她獲頒授榮譽的時刻。張艾嘉對於獲頒授榮譽，她坦言好興奮，本身從未讀大學，只是努力工作50年，原來專心去做一些事情，遇過的人都是老師。談到過去50年作出不少貢獻，她說：「我仲未做完，以前係學習，依家除咗學習之餘，仲想留低啲嘢畀下一代。」

張艾嘉獲嶺南大學頒授榮譽人文學博士學位。

張艾嘉與陳德霖同獲榮譽博士。

張艾嘉在台上笑得好開心。

 

談到工作計劃，張艾嘉表示過年後會參與新導演的電影，而近兩年有不少新導演邀請她參演，當中的劇本也寫得不俗。她說：「我咁嘅年紀，仲有人畀咁嘅機會做好嘅角色。」

此外，提到早前與好友、林青霞、施南生、麥嘉、泰迪羅賓、黃百鳴與曾志偉聚會，專為故友石天而設。張艾嘉說：「雖然我哋呢班「新藝城」一齊時間唔長，但團結精神依家比較少見，我哋彼此感情係深！尤其係石天，唔係佢搵我演差婆角色，我未必發展香港市場，所以特別有感情。佢嘅走（指離世），我心裏唔捨得！」

梁詠琪和老公都有前來支持。

不少朋友都有出席張艾嘉，當中包括唐唐（右一）。

大家都戥張艾嘉開心。