吳彥祖出戰連續25小時賽車 驚險兼壞車終成功勇奪亞軍

吳彥祖早年舉家搬回美國定居及發展，但因疫情關係暫未能返港參與幕前工作，於是吳彥祖決定實踐多年的夢想，在美國學做賽車手，早前他在社交網透露將會參加一個名為「25 Hours Of Thunderhill」的賽事，需要連續25小時不眠不休進行比賽。一場體力與技術的巨大考驗，最終吳彥祖和他的隊友獲得亞軍，但過程相當驚險：「呢次比賽好難忘，係我第一次參加連續25小時嘅賽事，當比賽仲有24分鐘就完結，我架車已經承受唔到壞咗，但最終都攞到亞軍。」


對於今次參賽，吳彥祖感受很多：「呢場比賽可以用瘋狂嚟形容，雖然落場比賽嘅每個人都係競爭對手，但我反而認識到好多好強同好好嘅朋友，同時令我對賽車更加熱愛。」

原來吳彥祖私下以「Christine」來稱呼戰車，他解釋：「因為有一次我賽車團隊嘅工程師Eric Brassell，幫架車放油嘅時候，突然自動啟動，仲輾過Eric個身，好在人冇事，但令我哋諗起一套改編自史提芬．京小說嘅電影《Christine》，故事講架車會自動著火去殺人，所以幫佢改咗呢個名，不過而家Christine唔可以再同我落場比賽，其實我係好難過。」