台慶丨汪明荃獲獎有意外驚喜　服務TVB 50年難忘事太多

汪明荃（阿姐）對於獲得「金禧服務大獎」感到份外驚喜，在公司服務50年難忘事情太多，一言難盡，她有感時光飛逝，多年來一直勇於嘗試，在疫情下也沒有停步，不斷提醒自己增值創新。

阿姐昨晚看到全體演員同心協力賀台慶，就像扭螺絲一樣，每個崗位都很重要。今年是曾志偉回歸後首個台慶夜，氣氛明顯較過往熱鬧，阿姐指每個人目標不同，志偉現時首先整理藝員內部，很多藝員往國內發展，他要先穩定軍心，透過今晚節目大家明顯見到以新為主，亦見到很多新人參演，大家合力去做好件事，而唔係Hea做，觀眾打開個台，見到人才相當重要。

阿姐曾直指TVB有山頭文化，是否已明顯瓦解？她說：「每個人上台都有佢嘅人，呢個好難避免，始終你要得心應手，若去到陌生地方，冇人幫手好難發展，我之前所指嘅係一間公司淨係用嗰幾個人，要比多啲機會大家，發掘多啲新人。」並直言希望山頭不要太多，可以有更多機會給予其他人。