Heidi@Super Girls一黑一白造型拍廣告鏡頭前跳舞大呼緊張

2021-12-03 15:00

女團Super Girls出身的李靜儀（Heidi）近日拍攝醫美廣告，以一黑一白造型示人，為了以最佳效果拍攝，Heidi事前嚴格進行飲食管理及運動健身及練舞，她說：「第一次同醫學美容品牌合作，喺收到邀請後都曾經有過憂慮，近幾年我都較少喺鏡頭前跳舞，老實講心情都有啲緊張，但開心今次有機會跳出自己嘅Comfort Zone。」

Heidi坦言是愛美一族，其瘦削身形一直是網民焦點，她坦言並不介意：「每個人都有自己獨一無二嘅美，而且我有好多其他優點，大家可以慢慢發掘嘅。」現年30歲的Heidi轉眼已入行10年，談到保養之道，她表示：「我嘅秘訣就係兩個『態』，內在心『態』調整好重要，要識得欣賞自己，關懷同了解自己，另一方面要運動健身保持體『態』。」