姚焯菲唱甜美版《倒轉地球》 粉絲期待炎明熹與姑丈合唱「姑Gi」

陶大宇最近憑登台飲歌《倒轉地球》而人氣爆升，「宇宙級」唱腔兼「水撥式」台風成為不少人嘅模仿對象。經常被指係「外星人」嘅炎明熹日前與《青春本我》一班演員都嚟個hea唱版《倒轉地球》，片中Gigi被主持人問：「知唔知地球倒轉會點樣？」佢一臉茫然回答：「乜地球唔係不嬲都調轉緊？」後來先知道地球係自轉...。

或許，少年實在太年輕喇，「火雞」孫漢霖打頭陣用朗誦式獻唱，但就將「地球」唱錯「氣球」；之後冼靖峰、黃奕斌、姚焯菲（Chantel）等輪流獻唱，雖然甩拍兼音準欠奉，但各有特色，大家都唱到七情上面，冼靖峰嗌爆咪、Chantel就用溫柔甜美聲線，令人聽到好冧。而片尾仲有彩蛋，就係炎明熹嘅姑丈嘅鏡頭以外一齊唱，唔少網民都讚姑丈聲底好厚，期待佢同Gigi合唱首「姑Gi」。