何依婷避談忽然富貴入住豪宅 被批聲線吵耳會改善

何依婷、胡鴻鈞、羅天宇等今日為台慶劇《十月初五的月光》宣傳，即埸公布首集跨平台總收視錄得23.5點。何依婷被網民批評聲線吵耳難頂，她坦言自己再看都覺得有少少，不過只是首幾集，之後已作出調教，會將聲線壓沉，希望大家給予機會。問會否感到大壓力？她說：「拍攝時冇諗過，我係一個對自己要求好高嘅人，只想做好角色。但劇集推出後就開始有少少壓力，原來大家好留意我嘅聲線同演技，我會多下苦功，希望畀啲空間。」

有報道指依婷忽然富泰，搬到紅磡豪宅居住，揸名車、逛名店，她解釋：「架二手車買咗好多年，回應過好多次，我都有睇報道，寫到我唔使做咁，好難令人明白，其實當日我係為工作先去髮型屋整頭，逛名店都冇收穫。」追問是否搬屋住紅磡豪宅？她稱多謝大家關心住那處，現階段她沒有錢買樓，只是租樓住，並對身邊人講不好意思，她說：「影響到家人同朋友上封面，保護唔到佢哋，有少少內疚，因為唔係每個人都想成為茶餘飯後嘅話題，希望大家多關注我嘅工作。」