保錡@ERROR惡搞大宇版《倒轉地球》 自爆重睇100次

2021-11-30 09:30
保錡話重複睇咗100次。
保錡話重複睇咗100次。

現年58歲、有「師奶殺手」之稱嘅陶大宇近年努力返大陸登台搵真銀,商演活動當然要袋住幾首飲歌,劉德華《倒轉地球》同《愛我一萬年》都係大宇嘅首本名曲。最近大宇獻唱《倒》嘅登台短片喺中港兩地瘋傳,佢以「魔音式」逐粒字唱腔,加上「水潑式」台風,非常洗腦,唔少人都剪咗短版無限Loop,成為網上熱話。

保錡話重複睇咗100次。
保錡話重複睇咗100次。
保錡嘅神情同唱腔都激似大宇。
保錡嘅神情同唱腔都激似大宇。


「宇宙天團」ERROR成員之一保錡,一得閒就會拍片娛人娛己,繼七師傅「閃電七連鞭」後,最近就惡搞陶大宇2.0,扮佢唱《倒轉地球》放上IG,佢話自己重複睇咗條片100次,留言話:「最近大愛一首歌,不得不重唱一次,無論表情和語氣,都表現得10分到位,所以決定表演給大家看,重複睇了100次的《倒轉地球》。圖1:獨唱版 圖2:合唱版」。

條片一啲都唔hea,揸咪唱仲有燈光特效,如同置身舞台一樣。而保錡嘅模仿能力都好高,瞪大隻眼都唔眨一下,表情、唱腔扮到足。小肥、J.Arie、張紋嘉等都有笑到喊emoji,但唔知當事人大宇見到會唔會嬲嬲豬呢?!

大宇版嘅《倒轉地球》超洗腦,成網上熱話。
大宇版嘅《倒轉地球》超洗腦,成網上熱話。
對眼都瞪到好大。
對眼都瞪到好大。

仲有獨唱版,但唔知大宇嬲唔嬲呢?
仲有獨唱版,但唔知大宇嬲唔嬲呢?
小肥都有留言,爆粗笑佢真係夠膽拍。
小肥都有留言,爆粗笑佢真係夠膽拍。
關鍵字

最新回應

關鍵字

相關新聞

熱門文章