韓子亮被「照肺」後決不再狙擊保錡：人不犯我我不犯人

歌手韓子亮(TL)日前在IG限時動態，指香港某組合成員涉嫌迷姦、「狗公」等行為，他更表示有受害者PM他，指控這位組合成員的行為，直指:「如果冇任何道歉或悔意，所有受害人將會接受訪問，然後報警。」最後更寫下:「睇住你成為香港版嘅吳亦凡。」接着韓子亮再次在IG限時動態出post並標示ERROR成員吳保錡的IG賬號名稱，揚言對方再不出來公開道歉，準備退出娛樂圈！其後又有一名女網民在網上鬧爆保錡，並公開保錡撩女錄音。

雖然韓子亮以密集式在於IG限時動態出post，不過保錡仍未就事件回應。曾經表示遭公司勒令收聲的韓子亮，今日在IG限時動態表示又被「照肺」，所以他決定作一個總結：「早前就係我社交平台話香港某組合成員涉嫌迷姦一事 PS:有指名道姓，我喺度澄清下確實係睇到一啲嘅事情，雖然有女仔俾佢非禮和其他等等嘅行為 但係本人唔會再參與呢件事，亦都俾咗相關嘅傳媒電話佢哋，如果佢哋有需要嘅話，可以聯絡傳媒朋友和報警處理，當然啦，如果我本人受到任何嘅指責行為等等，我會再次帶領一班受害人攞埋證據開一個記者招待會。公司叫我努力工作、遠離是非。」

接着韓子亮又說：「我唔介意俾人話我炒作，但係我介意俾人話我誹謗佢，因為佢以前真係做咗好多仆街嘅行為，而且相信佢都知道有所謂嘅證據。好啦，過咗今日我唔可以再講呢件事，都係Focus自己嘅音樂。」他續說：「記住呢一點，人不犯我我不犯人，當初我WhatsApp過你 一早同你講叫你唔好搞我咁多嘢，放我上枱，你事業成功就算啦，娛樂圈各有各做，但係你放我上台在先，ViuTV剛剛開台我比你更早接觸，只係你比我好運一點！水唔係咁樣抽架，希望你自己反省一下檢討吓！」

最後他說：「希望你專心做嘅音樂，我都專心做我自己嘅音樂，河水不犯井水，如果再挑釁我，到時唔好怪我！PS：唔想俾人話有恐嚇成份，萬一佢喺大阪或者其他地方發生任何意外，陣間入我數，我真係水洗都唔清！」而保錡繼續封咀，反而在IG限時動態post用apps變身卡通公仔樣的短片。