Juicy叮｜準新娘影結婚相前約美甲遭甩底 美甲店拒退款：賣藝術唔係賣聲譽

為迎接結婚的重要日子，準新娘會做好充足準備。有準新娘近日在網上發文，指早前與朋友預約到尖沙嘴一間美甲店「Gel甲」，以配合翌日拍攝結婚相。然而，兩人在預約當日前往該間美甲店時，卻發現店鋪沒有營業，店方亦未有接聽電話，因此只好臨時改為光顧另一店鋪。店方隨後以訊息回覆，指美甲師當日凌晨發燒，但拒絕退回訂金，更直言該店「係賣藝術唔係賣聲譽」，並指「你嗰$200咁貴重嘅話，你可以返嚟整」。

樓主上周六在Facebook群組發文，指自己原本沒有美甲習慣，由於早前需要拍攝結婚相，因此與朋友預約到尖沙嘴一間美甲店「Gel甲」。她指，在預約時已表明需於上周一（22日）下午完成美甲，因翌日是結婚相拍攝日，店主當時回覆沒有問題，指已預約師傅，樓主因此支付200元訂金。然而，在預約當天，準新娘與朋友到達店鋪時，才發現該店沒有營業，店方亦未有接聽電話，因此只好臨時改為光顧另一店鋪。直至當日下午5時半，店方以訊息回覆，指美甲師當日凌晨因發燒而需要求醫，強調並非有意失約。

由於樓主已光顧另一間店鋪，因此要求店方退回訂金，但被店方拒絕。店方的回覆令樓主甚為不滿，並引述店方回覆指「佢（美甲師）都唔想病㗎，佢哋鋪頭係新開，畀次機會吖」。樓主反問對方，「你病啫咁你老細呢？，佢唔係應該都有責任覆返客人咩？唔係淨係話公司規矩嘛？」店方只表示，根據公司規矩不會退回訂金，若樓主與朋友在本月內不重新預約美甲，訂金則會作廢。店方在訊息中又指，「呢度係賣藝術唔係賣聲譽，亦都要以同事嘅身體行先唔好意思」，並指「你嗰$200咁貴重嘅話，你可以返嚟整」。

涉事美甲店事後發文回應事件，指同事在當日已聯絡客人，並指「因為係同事唔舒服在先，喺度深表歉意」，又強調需對所有客人公平，只能更改服務時間，不能退回訂金，又上傳與樓主的對話截圖，指「各位客人留意，訂金畀咗就係唔可以退，包括恐嚇都係唔得」。

網民紛紛留言，批評涉事店鋪的行為，並支持樓主就事件報警。有人直言「全部客齋約收按金，日日都唔開門又唔退錢，咪無本生利？」、「咁衰都有，真係要認住佢」、「咁都唔退錢好有問題」、「佢哋態度好有問題」等。

帖文來源：「美容界黑店大全」