獨家丨直擊煞科戲現場 姚焯菲鍾柔美攰到瞓 炎明熹Keep住笑堅捱得

2021-11-25 00:30
直擊《青春本我》煞科戲現場,炎明熹明顯比姚焯菲及鍾柔美捱得。
直擊《青春本我》煞科戲現場,炎明熹明顯比姚焯菲及鍾柔美捱得。

本周日炎明熹(Gigi)抱病出席event時,喺台上腳軟跌倒爆喊,事後解釋因為感冒未清,加上之前一晚瞓得唔好,而非休息時間唔夠。由《聲夢傳奇》入行短短4個月嘅Gigi好受廣告客戶及「Gi炎粉」(fans暱稱)歡迎,面對海量工作已變身「小鐵人」。之前Gigi拍攝新劇《青春本我》煞科戲,由朝早5點開工,再趕場直踩去演出,拍劇鏡頭以外不時笑笑口,人仔細細經已相當專業,好捱得!採訪:方騫平 攝影:張詠森

直擊《青春本我》煞科戲現場,炎明熹明顯比姚焯菲及鍾柔美捱得。
直擊《青春本我》煞科戲現場,炎明熹明顯比姚焯菲及鍾柔美捱得。
開心掟書

終極鏡頭有啲修改,學生們齊齊掟書簿上天花板。
開心掟書 終極鏡頭有啲修改,學生們齊齊掟書簿上天花板。

《聲夢傳奇》學員炎明熹及姚焯菲(Chantel)人氣爆燈,由佢哋主演嘅青春校園劇《青春本我》亦食住個勢,趕喺12月5日(周日)晚八點半啟播,TVB相當重視呢個劇,加入咗重量級藝人錢嘉樂和湯盈盈、陳煒、姜皓文等客串助陣。對炎明熹嚟講11月嘅時間表真係好緊迫,因為學校喺11月9日開始考試,同時間要為劇集埋尾,兼且要出席商演、為新歌造勢及做台慶……真係少啲耐力都唔得。

鍾柔美姚焯菲要「快叉」

本報記者之前深入校園外景場地,採訪炎明熹拍《青春本我》煞科戲,直擊呢位「小鐵人」耐力有幾犀利。當日所有飾演學生哥嘅演員要喺大禮堂大合跳,劇情講一班考緊試嘅學生哥「靈魂出竅」飛咗去舞會派對,齊齊狂歌熱舞。由於要爭取拍攝時間,提早到朝早五點開工(鍾柔美Yumi較後時間加入拍攝),個個凌晨兩、三點就要起身做準備。當日人多手腳亂,跳舞鏡頭又要講求合拍性,同埋要拍唔同角度,見演員不停重覆,喺座位度起身然後再跳舞,足足拍咗幾粒鐘,真係拍得超辛苦,演員都拍到有啲攰,而14歲鍾柔美(Yumi)係睡寶寶,打燈期間坐著「中」眼瞓,最後瞓到伏喺枱面;至於姚焯菲就撓住雙手閉目小睡嚟個「快叉」。反觀Gigi精力充沛,仲坐到筆直留心等嗌Roll機,見她每跳完一次就呼出一口氣嚟鬆一鬆,然後整理好頭髮及衣服準備拍下個鏡頭,再攝時間猛練舞姿,而且全程都係笑笑口,好有行動力,見她拍咗幾小時都冇打過一個「喊路」,之後仲要趕場去表演,16歲女經已堅捱得,而且表現得好專業!

全程好high

Gigi鏡頭內外全程都好high,仲拉住鍾柔美吹水。
全程好high Gigi鏡頭內外全程都好high,仲拉住鍾柔美吹水。
笑住打氣

當日Gigi邊跳舞邊笑笑口為自己加油。
笑住打氣 當日Gigi邊跳舞邊笑笑口為自己加油。

盡量休息Keep好精神

被讚表現專業,帶點童真嘅Gigi就話:「我都唔知點解會笑,我成日傻笑,可以唔使理我!不過我會盡量休息Keep好個精神,因為表演真係好重要,我好少跳舞,對我嚟講係有難度,要自己練得好熟,唔想做得太差。」不過,對她來說最難反而邊拍劇邊考試,她偷笑說:「好驚溫咗書變咗唔記得晒啲劇本,唔想劇本有甩漏搞到嘥大家時間,咁應該背邊樣先,點算好呢?通常要返到屋企先開始溫書,盡量分配好啲時間囉。」至於Chantel都力讚Gigi係個好堅強嘅人,唔會顯露好攰,好專業,而她會食糖嚟提神;Yumi就話會趁轉景嘅時候盡量搵位休息養吓神。

盡情狂舞

姚焯菲、炎明熹及鍾柔美一聽到Roll機就Freestyle狂舞,好盡情。
盡情狂舞 姚焯菲、炎明熹及鍾柔美一聽到Roll機就Freestyle狂舞,好盡情。
閉目養神

Chantel頂唔住要撓住雙手,爭取時間閉目養神。
閉目養神 Chantel頂唔住要撓住雙手,爭取時間閉目養神。
不停「釣魚」

14歲嘅Yumi好瞓得,戲外不停「中」眼瞓。
不停「釣魚」 14歲嘅Yumi好瞓得,戲外不停「中」眼瞓。
伏喺度瞓

Yumi仲索性瞓到伏喺枱面。
伏喺度瞓 Yumi仲索性瞓到伏喺枱面。
做好準備

Gigi幾時都咁留神做好拍攝準備,唔見倦意。
做好準備 Gigi幾時都咁留神做好拍攝準備,唔見倦意。
腳軟跌親

日前Gigi身體不適搞到腳仔軟,喺公開活動上跌親。
腳軟跌親 日前Gigi身體不適搞到腳仔軟,喺公開活動上跌親。
勤力學生

Gigi本身都係勤力學生,唔會因為工作而缺課。
勤力學生 Gigi本身都係勤力學生,唔會因為工作而缺課。
怕醜女仔

劇中Chantel飾演好怕醜嘅女仔,同Gigi有好多對手戲。
怕醜女仔 劇中Chantel飾演好怕醜嘅女仔,同Gigi有好多對手戲。
得益良多

劇中煒哥演Gigi媽咪,Gigi話真係學到好多嘢。
得益良多 劇中煒哥演Gigi媽咪,Gigi話真係學到好多嘢。
關鍵字

最新回應

關鍵字

相關新聞

熱門文章