仁醫丨鄭嘉穎唔想爭視帝 新人攞獎意義更大或可改變一生

鄭嘉穎、羅子溢(仲謙)、周家怡及陳自瑤等今日在紅磡出席TVB台慶劇《星空下的仁醫》宣傳活動，劇中鍾嘉欣的BB受感染而死亡，嘉穎搶救BB不成功亦爆喊，他說這埸喊戲1 take過，有些喊戲可以拍好多次，但第一次是最好。說到嘉穎與鍾嘉欣有化學作用，嘉穎表示大家是職業演員，他沒算過自己拍了幾多部劇，遇到對方這個對手好開心，他還要讚道具部，今次的道具BB花了5位數字，效果好真實，好少道具BB可以拍近鏡。

提到感情戲獲讚，對爭奪視帝可會加分?嘉穎說：「希望獎項給新人，除看好譚俊彥外，知道張振朗為《拳王》也操得很辛苦，個人意願想給未得過獎的演員，因為可能改變他們一生，比自己攞更有意義。大家覺得我值得攞獎已經好開心，多謝大家支持。」會否因角色受小朋友歡迎？他稱一向受小朋友歡迎，最近更受家長歡迎，據聞監製會開拍續集，他說要考慮好多因素，屆時才作決定。