維港會｜是日「黑貓日」 愛協FB貼街貓：無論咩顏色嘅動物都值得愛錫

愛護動物協會在facebook專頁張貼多張一隻常在愛協總部附近出沒的黑貓照片，提倡市民「無論係咩顏色嘅動物，都係咁值得我哋愛錫」。

愛協指，這隻常在愛協灣仔總部附近出沒的貓鄰居，年紀不小，喜歡自由自在。愛協職員早上上班時，牠彷彿會跟路過上班的職員講「早晨」，天氣好的時候，又會見到牠在不同車的車頂上睡到忘形，午飯時間行過喚一聲，牠又會懶洋洋地回應一聲「喵」。夜晚放工時，牠又好像會講聲「Bye Bye」，是一隻非常有禮又親人的貓。

愛協表示，每年的11月17日是意大利的「黑貓日」，希望藉此令更多人學識欣賞黑貓的美麗。由於以往有好多無知的人類出於迷信的觀念，認為黑貓與巫術有關，甚至會認為女巫是借助黑貓的力量來施展巫術，以至好多黑貓被殘害。愛協指，在不同的文化之中，都有好多與黑貓有關傳說，這些當然是無稽之談，而且完全無科學根據。

愛協就呼籲，「無論係咩顏色嘅動物，都係咁值得我哋愛錫」。有網民留言，「唔怪得有次行過愛協出面，地下放咗貓糧，原來係畀佢食」