關智斌暗黑中PK右腳受傷康復即矯視戴護腳腕免重蹈覆轍

2021-11-17 13:00

現年40歲的關智斌（Kenny），自從早年在內地發展後，事業十分順利，聽聞他的身家也以倍數急升。但不知是否真的「財多身子弱」，昨晚（16日）Kenny在IG貼出一張相片，相中的他右腳受傷包紮着，雙手更撐着拐杖。另外他亦在IG限時動態貼出X光片的相片，留言指幸好醫生檢查後證實沒有骨折，隨後又貼出一把地拖相，指未有拐杖時要用地拖頂替。

Kenny留言：「已經唔記得今年入咗幾次醫院⋯一個黑暗嘅環境，一個小小嘅水氹，再加幾級嘅樓梯，就完美令隻腳腫到好似蘿蔔。樂觀咁諗，好彩平時有練二頭肌，拐杖嘅平衡原來係靠哂佢。今日只係可以坐喺度係會胡思亂想，諗咗幾樣野（嘢）好返一定要做，決定做眼睛矯視手術，因為萬一有喪屍而我又跌咗眼鏡⋯平日都戴護腳腕嘅嘢，因為萬一大廈火警冇lift要行樓梯⋯唔好再睇運程嘅嘢，因為佢話我PK點知真係PK。好彩今日原來有新串流平台開咗，時間好似過得快啲。」圈中好友如胡定欣及張繼聰相繼留言問候，反而唔見前密友張敬軒，點都好，希望Kenny早日康復。