星島獨家│譚俊彥兩套台慶劇衝擊視帝 跟鄧佩儀合作被激死

2021-11-17 10:30
譚俊彥有兩套台慶劇揸手,都係今年視帝大熱。
譚俊彥有兩套台慶劇揸手,都係今年視帝大熱。

譚俊彥(Shaun)在TVB發展6年,迅速跳升男主角之位,今年先後憑《換命真相》、《拳王》兩套台慶劇衝擊視帝,縱使有實力、贏人氣呼聲高企,但Shaun不敢奢望,反而謙虛看好馬國明再封帝。在成就邊緣,Shaun回顧過去為跑上男主角付上代價,除了貼地捱窮,還以血汗去爭取機會,一路走來沒有靠爸爸狄龍之名走捷徑。文:卓寶花 圖:羅安強

譚俊彥有兩套台慶劇揸手,都係今年視帝大熱。
譚俊彥有兩套台慶劇揸手,都係今年視帝大熱。
《換命真相》一班演員拍出好感情。
《換命真相》一班演員拍出好感情。

在《換》劇中Shaun貫穿張穎康、蔣家旻、劉偑玥以倒敍式展開故事,由於跟鄧佩儀(Gloria)演情侶,二人最多對手戲,Shaun在眾多對手之中對她最無從入手,感覺她太有自己一套思想,常用自己身份出發,「我成日都調教佢,角色就係角色,而唔係帶私人感情,到中尾段先開竅,激死我!」Shaun與蔣家旻有一場相擁喊戲,拍畢後大家隔膜完全打開,以兄妹相稱,一班演員像一家人。

Shaun今年有兩套台慶劇,衝擊視帝呼聲高,他笑言:「你都知啦,鬼知咩,咁多年大家都明啦,但冇信心唔代表唔勤力去做,無論是否台慶劇,我都搏到盡。」每年視帝競爭激烈,Shaun睇好馬國明再封帝,「我有睇佢做醫生,覺得佢攞完視帝後,整個人更多自信,佢早已走在我前面,大家都是競爭對手,輸俾佢係理所當然。」呼聲高失落獎項會失望嗎?Shaun堅定說:「唔會,改變不了的事實,我唔會令自己唔開心,要向前行,但當下會緊張。」別人視獲獎為成就或肯定,Shaun則只求工作穩定,可以肩負家庭,有得搏就去搏。

譚俊彥同鄧佩儀拍《換命真相》有好多對手戲。
譚俊彥同鄧佩儀拍《換命真相》有好多對手戲。
譚俊彥喺《拳王》有亮眼表現。
譚俊彥喺《拳王》有亮眼表現。

Shaun加入TVB六年早已當上男一,外間一直覺得有爸爸狄龍幫助是最佳捷徑,Shaun說:「講都冇人信,全世界都覺得阿爸幫我,就有得做男一,多年來只係演員,我承繼他的專業、拍戲態度和待人處事,機會係我自己爭取。」在事業起飛之際,Shaun最感激太太任祉妍,把家庭及一對子女處理得井井有條。Shaun將人生擁有的都給予太太,由太太掌握財政大權,每月獲發一萬蚊零用。

譚俊彥無論係咪拍台慶劇,都會博到盡。
譚俊彥無論係咪拍台慶劇,都會博到盡。
譚俊彥睇好馬國明再攞視帝。
譚俊彥睇好馬國明再攞視帝。
譚俊彥冇信心攞視帝,但唔代表冇努力。
譚俊彥冇信心攞視帝,但唔代表冇努力。
譚俊彥加入TVB六年早已當上男一。
譚俊彥加入TVB六年早已當上男一。
機會靠自己爭取,而唔係靠爸爸狄龍。
機會靠自己爭取,而唔係靠爸爸狄龍。
譚俊彥多謝太太任祉妍照顧得小朋友好好。
譚俊彥多謝太太任祉妍照顧得小朋友好好。
關鍵字

最新回應

關鍵字

相關新聞

熱門文章