余香凝岑珈其安排仔女見面 搞笑分享「高度」對話

余香凝（Jennifer）與岑珈其一向老友，今年二人分別榮升新手父母，近日Jennifer就安排女兒Clare與岑珈其的兒子岑彥臻見面。二人分別在社交網分享合照，相中見岑珈其抱住Jennifer的女兒，Clare眼仔睩睩又肥嘟嘟，十分可愛。而Jennifer抱住岑珈其的兒子，見到彥臻外貌似足爸爸，成個餅印一樣。

Jennifer在社交網留言時，搞笑地分享二人以父母對話：「珈其：『你個女幾時會高過我？』我：『16歲卦！兩個BB一齊玩好得意，兩個都要健健康康！快高長大！」而岑珈其也有留言：「終於見面喇，以後要見多啲！臻臻同琳琳都要身體健康、開心快樂！我估你個女應該唔使16歲就高過我！」Jennifer打趣回應叫臻臻多打籃球，暗示可增高。