Juicy叮｜筲箕灣現古怪「渠蓋陣」數十米路段有逾40渠口

2021-11-10 15:18

筲箕灣出現古怪渠蓋陣！網民近日拍到東大街一段路出現十多二十個渠口，有人指是用以疏導排水，亦有人擔心設計會影響道路承托力。

有網民分別在社交媒體Facebook群組「西環變幻時」及「筲箕灣西灣河關注組」上載圖片，當中可見東大街天后廟附近路段維修重整後，加闊了行人路，並改劃成不准落客的雙黃線，但「改咗嘅路位只得大約30米，竟然可以有40幾個去水渠蓋」，更對此表示「諗極都唔明」。

不少網民都笑言以為是改圖，或自己眼花。不過有網民就擔心實際使用問題，「其實咁樣會唔會好容易地陷？」、「開得咁密，會唔會有受力的問題？重型車壓住這排石屎會唔會斷裂？」、「有冇可能呀，有車行過上去都驚冧啦」。

另外，亦有人質疑排水量是否會因為有「渠蓋陣」便能補足，「啲渠道唔得，有幾多個窿都無用」、「要去水去得快，唔止係要整多啲去水渠，而係去水渠下面嘅去水系統要做得好，鑿到地都穿晒整咁多個，好荒謬」。

資料來源：「西環變幻時」、「筲箕灣西灣河關注組」FB