陳明憙新歌加入音頻治療搵貓仔做測試失敗冇晒符

2021-11-09 00:30

歌手陳明憙 (Jocelyn）新歌《聲之靜》，當中把音頻治療加入流行曲元素，近日更奪得流行榜榜首，Jocelyn坦言非常興奮，預告EP將大玩「音叉」元素，從旋律治療Fans：「其實呢首歌有安眠作用，可以令人放鬆心情，所以啲Fans每日起身都會聽一次，令佢哋Relax之餘又幫我提高瀏覽量，咁就係雙贏局面。其實來年都會推出唱片，每首歌都會加啲音頻治療嘅音叉落去，首首歌都有唔同嘅作用，照顧大家每日嘅情緒。」而Jocelyn亦日日用音叉幫自己Relax同去水腫。