郭富城親撰兩幅書法獲展出 期待女兒跟藝術家好友學畫畫

郭富城（城城）今晚與何艷娟、郭柏妍等出席藝術家馬興文（Simon Ma）藝術展，他表示跟Simon認識多年，並首次參與大型畫展，將親寫的「龍馬」及「興文」兩幅字畫送給對方。城城提到拍戲外，最近喜歡寫書法及畫畫，亦好努力練寫字，他說：「知道Simon在香港舉辦大型展覽，作為朋友戥佢開心，我都會同Simon一齊寫書法，從佢身上偷吓師。」問到可會帶太太方媛及兩個女兒參觀？他說：「最近小朋友病咗，唔好啦！人流太多，等佢哋好返先，好返會帶佢哋嚟，Simon成日都話教我女兒畫畫。」

同場的何艷娟已跟TVB完約，她表示暫時會休息幾個月至半年，現時多做慈善工作，亦重拾彈琴及畫畫樂趣。問到可會重返TVB拍劇？她說：「唞吓先！都有興趣嘅，但暫時想學吓唔同嘢，因為人生有太多嘢要學。」她又指跟《愛．回家之開心速遞》演員有聯絡，大家見面時令她有家的感覺，所以也想回歸拍劇。

已有一段時間沒畫畫的郭柏妍，表示因拍劇而分薄時間，故被問到是否沒時間跟吳卓衡拍拖？她說：「係朋友，以工作為先。」她又指拍劇《白色強人II》與陳豪做對手戲，從對方身上學到嘢，因他會教怎樣面對鏡頭，是她的戲外導師，希望將來有機會跟陳豪演情侶。