全民造星IV丨193妹有fans應援先聲奪人 Christine改狂野形象望升級
2021-10-30 17:45 
幾位藝人妹妹包括余潔滢（余香凝胞妹）、歐陽巧霖（歐陽巧瑩胞妹）、郭嘉盈（193郭嘉駿）入圍《全民造星IV》，她們今日亦有出席記者會。在193效應下，3妹今日已有fans舉牌捧場，她表示開心有fans支持並說：「見到大家好落力，多謝佢哋，仲送飲品畀我哋同工作人員，令我自信心加強，要做好啲報答佢哋。」3人已有心理準備，在選秀期間接受負評，余潔滢說：「節目未出街已有比較，都睇化咗，玩節目就係想人哋睇到我唔同嘅一面，尤其同家姐（余香凝）唔同。」3妹則表示要向余潔滢學習如何睇化看開一點；歐陽巧霖不擔心遭抨擊，反而會從中自我檢討改善。
此外，去年曾參加《全民造星III》的夏子涓、方芷欣及鄭嘉欣（Christine），今年捲土重來再戰比賽，相比之下感到更大壓力，3人希望在表演環節有突破，可以升級進步，讓觀眾另眼相看，Christine預告會打破「花瓶」形象：「同上年唔一樣嘅我，上年好斯文、文靜，今年會好狂野，希望觀眾睇到。」
關鍵字
最新回應