張寶兒爆陳詩欣婚後有話事權 否認老公袁偉豪唔錫自己

TVB小花陳詩欣（Eunice)今日與圈外男友陳爾在中環擺酒，圈中好友莊思敏、王子涵、張寶兒、Super Girl三位成員吳嘉禧、陳穎欣及蔡明思，還有吳若希與老公都有到賀。

張寶兒自爆一對新人相處方式，與自己的完全不同，因為Eunice有話事權，只因老公十分寵她，言語間就像透露老公袁偉豪不寵她。張寶兒即補鑊說：「老公唔係唔錫我，係好錫我，只係喺決定上我聽老公話，兩對夫婦大家關係上有啲唔同。」

問到姊妹淘一班姊妹可有相約一起生B？張寶兒表示生孩子自己抱順其自然態度，但卻知道姊妹們是想生的，所以她會送上祝福。至於姊妹間可有互相猜測誰會先生孩子？張寶兒笑言：「我哋之間有個好得意嘅習慣，每個月會檢查對方嘅狀況，因為大家嘅月事差唔多時間，我哋經常見面就好似女校一樣，好清楚大家嘅生理同心理狀況，所以有好多話題傾。」