謝安琪一口氣連出兩首新歌 坦認年青時做過傻事及蠢事

謝安琪（Kay）近日接連推出新歌，先有一個關於春天故事的《離不開》，近日再推出有關夏天的《未見過世面的招積》及秋天的《靜夜歌》，兩首新歌均繼續由Kay包辦作曲填詞。Kay表示：「雖然兩首歌睇上去係唔同，但其實都係講緊同一個嘅人生觀；所以決定將兩首歌放喺同一個MV去表達。」
Kay指《未》歌寫的記錄了年輕的她，而《靜》一曲則想送給未來的自己。「所以今次嘅MV特地將過去、現在同未來嘅自己連結起來，感謝以前嘅自己，雖然橫衝直撞，做過唔少傻事同蠢事，但我都多謝『佢』將經歷過嘅事，成為寶貴嘅回憶同養分；亦同時寄語將來嘅我，更識得獨處及欣賞世界，將人生想像成一首我最喜歡唱嘅歌，將對呢個世界嘅執著及在意，回歸到自己內在嘅平靜與睿智，好好過自己喜歡嘅生活都係一種幸福。」

整個MV一共拍了四日，不單四處取景，當中還出動古董車拍攝，希望讓觀眾真切感受到「謝安琪」。今次攝製隊也到訪了不同的郊野取景，上山下海不遺餘力，Kay說：「好多謝同我一齊拍攝嘅五位演員，以及導演李刀拿嘅團隊，記得拍攝山景嗰日烈日當空，大家都流晒汗，但依然好落力拍，在山野跑足一日，係一場好熱血嘅回憶，雖然辛苦，但出嚟嘅效果係好值得。」