胡杏兒帶兩子感受童年回憶 藉遊園教育海洋對人類重要性

胡杏兒早前到內地工作多個月，因此錯過細仔的百日宴，返港後她當然要好好補償，留多些時間陪家人，近日她與老公李乘德（Philip）帶大仔李奕霆（Brendan）及二仔李奕霖（Ryan）到酒店Staycation，又玩又食極開心。

昨日（26日）到鄰近酒店的主題公園玩，更透露自己童年時最鍾意去園中的海洋館：「因為裏面有好多好大好靚，五彩繽紛嘅魚，到而家大個咗仲可以帶自己嘅小朋友嚟，希望以後一直都可以帶佢哋返嚟，令佢哋明白海洋對我哋人類嘅重要性。今次仲要有佢兩兄弟最鍾意嘅Halloween裝飾，兩個又要驚又要睇。」她又指因為好多嘢玩，大仔開心到不捨得離開。

此外，陳敏之日前在社交網上載出席杏兒細仔Liam的200日宴，不過小主角似乎唔多Like敏之呢位Auntie，影相時眼濕濕一副喊樣，惟有由媽咪杏兒抱住安慰啦！