一級指控丨方中信難忘與智叔合作 陳家樂：係教材級演技

方中信、陳家樂、黃定謙日前為新戲《一級指控》接受香港開電視的專訪，今年3月因胃癌病逝的廖啟智（智叔）亦有份參與演出，與智叔份屬好友的方中信感慨說：「一年幾前睇嘅，嗰陣智叔仲未出事。」家樂就說智叔曾江鬥戲讓大家印象深刻：「可以話係教材級，只係好簡單嘅場景設計，主要係睇佢哋嘅角力。」

對於與師父智叔再合作，黃定謙就說：「喺法庭嗰場戲，佢主動上前等我投入角色，佢喺片場都會以老師身份，嘗試幫學生投入。」回憶拍攝過程，方中信表示享受：「有曾江、智叔，鮑姐呢啲演員擔綱，已經有保證，知道會拍得好開心同好順暢。」

雖然方中信不是第一次演律師，但方中信還是問了律師朋友意見，他說：「當然希望法庭戲拍出嚟唔好畀觀眾覺得冇說服力，因爲我有啲朋友做大律師，佢哋上庭其實都幾大壓力，又要處理好多文件，所以呢份工作唔容易做。」而第一次演律師的家樂就說：「上庭戲係難演，因爲有好長嘅專業用詞對白，例如點樣陳述呢單案件，唔可以改劇本。我哋好多時候想一鏡到底拍攝，譚耀文同方中信講完厲害嘅對白之後，如果我講錯嘅話就不得了，所以真係有啲擔心。」

黃定謙在戲中演疑兇，飾演他祖母的鮑起靜探望黃定謙一幕獲方中信大讚，黃定謙說：「開拍前兩小時已經進入角色狀態，唔想累大家遲收工。排戲時睇到鮑姐雙眼已經好想喊，仲有佢畀咗我好大親切感，令我諗起已過身嘅婆婆。創作呢角色嘅時候，我都會諗起嫲嫲，由細到大都同佢相依為命，細個係由婆婆照顧。」