湯怡怕生第二胎身材走樣 34歲生日老公預告送驚喜

陳家樂和湯怡今日以大使身份到黃埔碼頭為鄭麗莎、李鑑任及司徒兆殷等障礙跑參賽運動員打氣，今日是湯怡的34歲生日，早上起床時已收到老公麥秋成送上生日卡，更表明晚上會送上大量驚喜。問老公是否打算生多個孩子？湯怡笑言：「睬佢都傻！我曾經同佢講過，一日未練出腹肌就唔會再生，好多人都話生第二胎身體好易變形。」

家樂反過來建議她盡快一次過生完收肚，湯怡愁爆表示要先處理好外傭來港再說，她解釋：「之前最辛苦時候都過咗，但到依家都未輪候到外傭抵港嘅隔離酒店位，要每逢星期一早上9點就要上網搶位。」而湯怡的生日願望是，自己的身形盡快變得更好。

同樣是10月壽星的家樂，本來想今年不慶祝35歲生日，他解釋：「因為下月接咗部新戲，角色係我從未試過嘅造型，一定要清減啲。但最近好多朋友約食飯，連續五、六晚大魚大肉，仲食咗五個蛋糕。」問到緋聞女友連詩雅送了甚麼生日禮物？家樂一開始避談，追問下才透露對方有送上祝福，是否已一起吃飯慶祝？他說：「總之大家都有為我慶祝，好多人為我慶祝。（即是大家一起慶祝？）係呀！（生日願望是否盡快結婚生兩個？）玩吓先，生小朋友隨緣冇得預計，好似湯怡為例，去年呢個時候仲同佢一齊工作，仲未結婚生小朋友，依家已經係人母。」湯怡即笑言：「你可能似我一樣閃婚，記得請我飲，哈哈！」