裡應外合丨吳浩康莊思敏分手十年再合作 全程有講有笑冇尷尬

由袁劍偉執導的英皇電影《裡應外合》，今日舉行開鏡拜神儀式，吳浩康與莊思敏亦有份參與演出，雖然兩人分手十年，不過未見尷尬，全程有講有笑，而且更大方影合照。

吳浩康表示再度跟舊愛莊思敏見面，不會覺得尷尬，兩人更異口同聲表示再見亦是朋友。談到可有被已婚的莊思敏催促快點結婚？吳浩康說：「遲吓先啦！等事業好多啲，再努力工作先。」再問有否跟緋聞女友郭思琳聯絡，他直言有聯絡。

戲中有不少打鬥戲的吳浩康，坦言由出埸打到尾，更拉傷大腿內側，不過開拍前每位演員要接受訓練。提到早前在鼻竇內割去息肉及發炎組織，他說：「休息咗兩星期，做完手術個鼻通好多，之前因為有工作就拖咗一、兩年先做手術，依家唔會鼻水倒流，把聲又清好多。」

莊思敏認為吳浩康成熟不少，因為人會長大，雖然今次兩人沒有對手戲，將來若有機會合作不抗拒。問到可會接受演情侶？她說：「到時先算啦！睇片酬。（片酬吸引到你演情侶？）睇劇本啦！」她又指雖則在戲中少打鬥戲份，主要騷長腿及低胸裝示人，但也拉傷大腿內側。