MC首開騷對住四面台暈暈哋 洪嘉豪道心底話泣不成聲

首次舉行演唱會的洪嘉豪（Kaho）及MC張天賦，昨晚舉行一夜限定紅館式四面台音樂會。昨晚二人首度開唱，心情興奮，Kaho期間真情流露喊過不停，MC則刻意挑戰多首高難度歌曲。

二人合唱過後，MC分享首次開Show便得到紅館式四面台的興奮心情並說：「原來個感覺同Rehearsal（綵排）時係兩樣嘢嚟！但面對四面台，完全唔知自己望緊邊，啱啱仲有少少暈。」此時MC見到媽咪即向對方打招呼，Kaho也即時向MC笠高帽：「Auntie你個仔好乖呀！知書識禮，平時又孝順。」氹得MC即時開懷大笑。