27歲蘇皓兒被嫌年紀大 Jeffrey：好難同家姐演出情侶嘅感覺

蘇皓兒（Chloe） 、魏浚笙（Jeffrey）及張天賦（MC）今日在尖沙嘴出席活動，三人透露將首次合作拍攝微電影，23歲的Jeffrey和24歲的MC爭相指很高興跟27歲的Chloe前輩合作，令Chloe急着澄清：「唔係我年紀大，而是佢哋太細個。」

問到誰與Chloe較合襯，沒料到Jeffrey和MC都你推我讓，場面搞笑！Jeffrey搶先說：「MC襯啲，唔係驚女友呷醋，而係Chloe個樣天生太親切，好似做家姐，因此好難同家姐演出情侶嘅感覺。」MC自覺似浪子，加上高度問題，所以認為Jeffrey比自己更襯Chloe，笑說：「我哋表面上好似你推我讓，其實暗地裏係爭緊Chloe。」

此外，正忙於拍攝校園劇《i.SWIM》的Jeffrey表示拍攝過程很開心，唯一煩惱是要脫毛，他說：「我心口都有唔少，同事建議過用蜜蠟脫毛方法，但睇過相關片段就覺得好痛，所以改用脫毛膏。而且生長迅速較快，每次拍攝前都要脫一次。」另外，跟郭嘉駿（193）結片緣的Chloe就讚對方爆肚能力強又搞笑，令現場氣氛很好，問有沒有被對方吸引？她說「冇，我哋都好專心拍戲。」而MC則指很想演戲，即使倒垃圾或豬肉佬角色也可以。