譚俊彥唱劇集片尾歌可出騷賺錢 張頴康怕壓力推新唱歌節目

譚俊彥（Shaun）、張頴康、鄧佩儀、劉佩玥、蔣家旻等到觀塘宣傳台慶劇《換命真相》，Shaun笑言與阿康走在一起會爆炸，合作了3套劇，女同事都受不了他們，二人話題天馬行空甚麼都講，但不會特別講湊仔經，好多活動上見到面會傾偈，但平常不會特別約出來見面。最近他們各自拍新劇，但都會在電視城相遇及等對方收工傾偈，問到是否有「Hehe情」？阿康笑說：「可能係基底，我都可以上《仔仔一堂》，但可惜我沒腹肌！」二人都表示不會以同性戀作笑話及抗拒，對於教小朋友也一視同仁，始終世界好大，不是書本沒教就是錯，會讓小朋友自己探索。

談到Shaun為劇集唱片尾曲，他表示是個好機會：「因劇中會唱歌求婚，監製也覺得我適合唱，希望有首歌將來便可以出騷賺錢。（想再出碟？）不會，唱歌當享受一下，我沒有天份不似Gigi（炎明熹）聲好靚，唱首歌要日日練，練了幾星期。」Shaun笑言也有鼓勵阿康唱歌；阿康表示有新唱歌節目他即時拒絕，因要練歌及有壓力，不似拍戲是自己的舒適區知道如何發揮。