譚俊彥被朋友叫「456」 尊重李政宰唔想一直抽水

譚俊彥和陳煒今日在將軍澳電視廣播城為TVB飲食節目《教煮爭霸》擔任嘉賓，說到兩人也喜歡入廚，可以合作做飲食節目，譚俊彥稱要一步步來：「我每日都會煮營養餐，另一半都讚好吃；但煮中餐比較差，只識炒飯，今次嚟跟煒哥學嘢，因朋友試過煒哥嘅手勢，都話食到舐舐脷。」煒哥亦謙說很少機會煮西餐，她說：「今次我都係嚟學嘢，平日冇工作都會煮飯仔，男友都食到舐舐脷。」

另外，譚俊彥主演劇集《換命真相》成為台慶劇，問到會否緊張？他說：「覺得自己好幸運，最近被人話同《魷魚遊戲》男主角李政宰撞樣，成為網絡熱話，開咗一個好頭。」他指出之前看過對方的作品，無論漢奸及斯文敗類角色也演得很好，塑造角色能力好强，是他的學習對象，他演壞人也是向對方偷師。身旁的煒哥也說他與李政宰好似，譚俊彥笑說：「好多朋友都話似樣，仲叫我456，唔啋人又唔好，但戲唔係我拍，覺得呢個話題都差唔多，第一要尊重呢位演員，第二唔想一直抽水，現時已有話題帶大家睇新劇。」