鄭伊娜悉心為囡囡搞一歲生日P 獲老公送花感激營造幸福家庭

前亞姐鄭伊娜（Ena）與激勵導師潘敬祖（Felix）去年榮升做爸爸媽媽，宣佈誕下囡囡「芊豆B」，早前Ena一家三口遊主題公園兼Staycation，Felix在囡囡生日會切蛋糕時，突然拎出一束玫瑰花送給老婆：「我好多謝太太一年前懷胎10月，幾經辛苦生咗可愛嘅小寶寶，為我哋嘅人生帶嚟一份最好嘅禮物，而呢一年太太仲無分晝夜地照顧囡囡以及家庭一切，同我一齊營造咗一個溫馨小家庭。」

見到老公突然送驚喜，Ena感動到眼紅紅，她更笑言今次是第一次一家三口在外面過夜：「真係一啲都唔簡單，因小朋友嘅用品非常多，執行李嘅清單有幾十項，我都用咗六個鐘先完成呢！其實我和Felix都擔心囡囡未必適應，點知原來佢只要攬住我可以瞓得着，睇到囡囡瞓得咁冧，就算平時照顧嘅時候覺得好辛苦，都係非常值得。」