獨家丨霍啟剛買白酒芝士Salami玩驚喜 老婆40歲生日抱埋大女揀首飾

2021-10-19 23:00
一齊揀蛋糕嘅父女以英語交談,可愛中妍見到蛋糕笑晒,之後佢仲幫爸爸眼揀首飾送畀媽媽。
一齊揀蛋糕嘅父女以英語交談,可愛中妍見到蛋糕笑晒,之後佢仲幫爸爸眼揀首飾送畀媽媽。

2012年,被封為「最貼地富二代」的霍啟剛(Kenneth)娶咗「跳水皇后」郭晶晶,婚後晶晶誕下一仔兩女,一家五口好幸福。上周五係霍太40歲牛一,翌日霍生已經上載同老婆賀壽「食好西」嘅相到IG,因為兩人打扮樸素,又簡單食餐飯慶祝,冇炫富行為獲網民一致讚好。其實Kenneth同老婆慶生點只食餐飯咁簡單。上周四重陽節,本報就直擊霍啟剛抱埋4歲大女霍中妍去超市買白酒、芝士、Salami等及買首飾,明顯為翌日生日的老婆製造驚喜。採訪:張詠森

一齊揀蛋糕嘅父女以英語交談,可愛中妍見到蛋糕笑晒,之後佢仲幫爸爸眼揀首飾送畀媽媽。
一齊揀蛋糕嘅父女以英語交談,可愛中妍見到蛋糕笑晒,之後佢仲幫爸爸眼揀首飾送畀媽媽。
霍啟剛揀白酒,對德國白酒最有興趣。
霍啟剛揀白酒,對德國白酒最有興趣。

霍啟剛果然不負「最貼地富二代」稱號, 在IG貼同老婆食生日飯嘅相,對老婆講︰「不經不覺第18次給你過生日,祝你生日快樂、永遠18歲!」hashtag係簡單幸福、生日快樂、老夫少妻同霍太,其實Kenneth都只係42歲,擺明用老夫少妻嚟氹老婆笑。

大女好活潑
霍啟剛好錫老婆,亦願意花時間去氹老婆。上周四傍晚,霍啟剛同大女去咗中環太子大廈超市買嘢,因為公眾假期關係非常多人,但兩父女都冇唔耐煩,先去揀白酒然後芝士、Salami、果仁同薯片等,揀好就放落囡囡推緊嘅迷仔版手推車入面,着住橙色花裙仔嘅中妍好得意,推住車仔跟實爸爸行,仲幫手將食物放上收銀枱,半個鐘買完餐前小食同酒就離開。

有魚子醬試食,霍啟剛抱起囡囡一齊試。
有魚子醬試食,霍啟剛抱起囡囡一齊試。
買完畀錢,中妍仲幫手將食物放上收銀枱。
買完畀錢,中妍仲幫手將食物放上收銀枱。

齊試魚子醬
兩父女之後去咗睇翻糖蛋糕,由於無現貨拎完咭片就去睇魚子醬,因為有試食,霍啟剛即抱起囡囡一齊試。 之後兩人去咗睇精品,兜咗一陣就轉去名模蔣怡老公開設的珠寶首飾店。兩父女一齊揀禮物送畀郭晶晶,見中妍望住啲閃令令首飾入晒神,店員拎咗啲手鍊畀Kenneth睇,唔知最後買咗咩,但見Kenneth有簽單,相信郭晶晶收到老公同囡囡一齊揀嘅禮物必定好甜。

生日餐小食有莎樂美腸。
生日餐小食有莎樂美腸。
又有薯片。
又有薯片。
亦有芝士。
亦有芝士。
霍啟剛在老婆生日翌日帖文及相祝郭晶晶永遠18歲。
霍啟剛在老婆生日翌日帖文及相祝郭晶晶永遠18歲。
上周六,霍啟剛帶老婆去長洲。
上周六,霍啟剛帶老婆去長洲。
仲食咗馳名大魚蛋慶生。
仲食咗馳名大魚蛋慶生。
霍啟剛當日去超市買嘅係小食,正日生日餐就再食好啲。
霍啟剛當日去超市買嘅係小食,正日生日餐就再食好啲。
霍氏夫婦與大仔霍中曦,長女霍中妍、孻女Laurina與已離世的祖母霍呂燕妮。
霍氏夫婦與大仔霍中曦,長女霍中妍、孻女Laurina與已離世的祖母霍呂燕妮。
關鍵字

最新回應

關鍵字

相關新聞

熱門文章