馬德鐘感恩屢遇好拍檔 與學霸妻各走各路:但一直同步前行

2021-10-16 20:30
馬德鐘與老婆各行各路,卻是同步向前行。
馬德鐘與老婆各行各路,卻是同步向前行。

馬德鐘受訪港台節目《舊日的足跡》,入行28年,馬德鐘之前當過警察及要員保護組(G4),最難忘是負責保護戴安娜皇妃和查理斯王子。他直言1993年入娛樂圈時的目標是當男主角:「可惜剛入行已經冇得做小鮮肉,喺劇集《創世記》已經做大佬(角色)。依家嘅《我家無難事》我依然係一嚿臘肉,只係肥膩咗少少。」馬德鐘初入行第一次北上少林寺拍攝古裝劇《武尊少林》,當年同劇演員陣容鼎盛,有溫兆倫、張兆輝、歐瑞偉、黎姿,還有體操王子李寧。他憶述:「當時輝哥(張兆輝)同瑞偉(歐瑞偉)已經係明星,但係冇架子,好照顧我。最近(我)見到李寧,佢仲記得呢套劇,不過就唔記得我呢個小角色啦!我好記得佢好勁呀,時時都有翻滾嘅動作!」

在眾多合作過的藝人前輩當中,馬德鐘表示劉松仁最令他印象深刻:「佢好犀利,對戲劇嘅處理好有一手,仲提點我哋要注重藝德,即藝人嘅品德,要尊重自己嘅行業,唔好踩自己嘅行業同公司,呢個係一門藝術,我聽咗之後好有使命感。另外,汪阿姐(汪明荃)係好演員,守時、做足功夫。同羅嘉良合作,我欣賞佢嘅內心戲。靚靚袁詠儀fit到不得了,我未見過佢NG,無論對白幾長都一氣呵成。宣萱呢個老拍檔更加難得,(為人)好爽朗,我哋兩個都係好積極嘅演員,每場(戲)都跑去化妝間換衫,唔會浪費任何時間,所以一定早開工!」

馬德鐘與老婆各行各路,卻是同步向前行。
馬德鐘與老婆各行各路,卻是同步向前行。
馬德鐘跟劉松仁合作印象最深刻,特別是被提點要有藝德。
馬德鐘跟劉松仁合作印象最深刻,特別是被提點要有藝德。

馬德鐘最為人熟悉,也是他最難忘的電視劇要算2003年的《衝上雲霄》。他形容當年參與拍攝時像夢似的,大製作、劇本好,也涉足很多地方;他亦不再只飾演壞人、基佬、舞男等角色。馬德鐘不忘讚揚劇中演員非常專業:「吳鎮宇好勁,佢唔喺為咗自己(喺戲入面)好睇,(睇事物)好宏觀、唔自私,係一個好前輩。嗰段期間,佢時時問我有關我初戀嘅感覺……原來,佢其實係為咗豐富自己嘅角色搵靈感,用心同投入嘅程度令我非常佩服!」劇中女主角之一陳慧珊,在馬德鐘眼中好紅但沒有架子,還會提點他;他慶幸自己常常遇到好人。對於兩人曾因拍劇而傳緋聞,他這樣說:「當時緋聞滿天飛,無辦法,嗰陣咁嘅年紀、咁嘅合作、咁嘅感情線、大家睇得投入,有啲咁樣情況出現唔出奇。我依家年紀大咗,咁咪少咗囉,依而家等啲年輕演員去講吓啦。」

《衝上雲霄》給馬德鐘演藝事業很大轉變,讚揚吳鎮宇好勁,陳慧珊沒架子。
《衝上雲霄》給馬德鐘演藝事業很大轉變,讚揚吳鎮宇好勁,陳慧珊沒架子。
馬德鐘入行28年,與太太也結婚28年了。
馬德鐘入行28年,與太太也結婚28年了。

談到家庭,馬德鐘太太是位哲學博士,也是學霸。兩人如何相處?「我哋結婚28年,相處得好好。佢係一個好堅持嘅人,做事一定要做到200分,好投入;我比較輕鬆,佢可以15個鐘頭做一件事,我唔得,我要飲吓咖啡,聽吓音樂,咁先至會有靈感……我哋點樣相處?一齊做運動、一齊去超市、一齊食素、生活情趣唔使刻意去做。其實我哋一直同步,佢行佢嘅路,我行我嘅,一齊向前行,兩人未必要做同一樣嘢。依家我已經超過50歲,所謂50知天命,我學識『物來則應、事過不留』,過去咗不用留戀,新嘅事物順應去做已經足夠!」

馬德鐘與囝囝齊拍劇。
馬德鐘與囝囝齊拍劇。
馬德鐘稱與宣萱都是好積極的演員。
馬德鐘稱與宣萱都是好積極的演員。
馬德鐘讚袁詠儀fit到不得了,未見過她NG。
馬德鐘讚袁詠儀fit到不得了,未見過她NG。
馬德鐘受訪車淑梅電台節目。
馬德鐘受訪車淑梅電台節目。
關鍵字

最新回應

關鍵字

相關新聞

熱門文章