張慧儀擔心養子識女仔受騙：我唔想咁快湊孫

張慧儀的17歲養子張晃維（Hanson）患有先天性心臟病，今日他們母子與陳安立出席慈善活動，張慧儀透露兒子將在周一（18日）入院做檢查。她說：「最近檢測到佢肝酵素有少少高，心率亦有少少唔正常，所以要做一次徹底檢查。呢個病唔會根治，但解決血缺氧問題。」
張慧儀稱兒子現在懂得做基本家務及煮食，她仍不時灌輸兒子要懂得照顧自己的概念，但又擔心個性單純的兒子容易被人欺騙或結識異性，更笑謂自己好矛盾。她說：「佢仲未puppy love，但我唔鼓勵，唔好搞埋呢啲嘢！我唔想咁快湊孫。」

陳安立對於有份參與ViuTV節目《賭命夫妻》的內容引起不少爭議，有網民認為行為過火。他說：「我哋都點到即止，始終人妻唔會亂嚟！初時節目組搵我做都擔心，但我哋男嘉賓喺節目有任務做，初時我都戰戰兢兢，估唔到參加者玩得好投入又玩得！」