蘇永康大讚人美心善 張慧儀呼籲男士放膽追求

蘇永康應張慧儀邀請擔任香港開電視節目《曬ya馬拉moi》的嘉賓，訪問中張慧儀指當時正拍TVB劇集《西遊記》，在化妝間見到正在拍攝《壹號皇庭》的康仔和歐陽震華及陶大宇，幾個大男人看她一眼即交頭接耳，康仔聞言笑說：「當時《壹》出名無劇本，幾個男人無事做梗係撩女仔，就算係宣萱路過都讚靚，咁當然係靚先會讚。」

兩人其實已相識以十年計，但期間一直失去聯絡，直到早年在北京透過朋友重遇，而他也是最早期的朋友知道張慧儀領養小朋友一事，身為爸爸的康仔：「慧儀除咗靚之外，真係有好高尚嘅情操，內心好美麗。」張慧儀聞言即連聲多謝康仔，笑問為何欣賞她的人遲遲未出現，笑言要呼籲男士追自己：「我真係《夕陽之歌》，遇到嘅男人都令我《越吻越傷心》。」十分搞笑。