關心妍微露波罅波底何嘉莉晒胸骨 馬天佑打造靚媽性感高貴形象

2021-10-15 00:00
(左起)何嘉莉、關心妍、谷祖琳被馬天佑打造成高貴性感索媽。
(左起)何嘉莉、關心妍、谷祖琳被馬天佑打造成高貴性感索媽。

馬天佑(Mayao)將於11月5日於麥花臣場館舉行結合時裝音樂嘅處男演唱會《Reinvention 馬天佑 衫。重奏》,Mayao為6位演出藝人陳慧珊、關心妍、何嘉莉、張新悅、趙頌茹及谷祖琳女星重新包裝成2021年最時尚形象。大會近日公佈第二款海報造型,有別於之前的全啡色Look,今次以黑色高貴為主,Mayao希望展現出她們「如初見」的感覺。相中以關心妍微露波罅及波底,再配高叉黑絲長腿最性感;何嘉莉大Deep V晒胸骨都算養眼;而張新悅露膊;谷祖琳就展露些少滑背;趙頌茹騷小蠻腰;反觀51歲陳慧珊跟其作風一樣,既密實又神秘。

(左起)何嘉莉、關心妍、谷祖琳被馬天佑打造成高貴性感索媽。
(左起)何嘉莉、關心妍、谷祖琳被馬天佑打造成高貴性感索媽。
陳慧珊新一輯嘅海報造型係包到實。
陳慧珊新一輯嘅海報造型係包到實。

Mayao說︰「第一張海報嘅造型係營造一個好Nude、好Clean嘅感覺。而第二款海報嘅造型,我相信就係觀眾入場最想見到嘅造型,將佢哋最靚嘅一面呈現出嚟。因為6位女星初出道時都係靚女Style,所以今次舉行演唱會,我除咗想營造返佢哋好靚嘅感覺之外,更想帶出好高貴、好華麗嘅感覺。因為演唱會係以衫為主題,所以希望入場嘅觀眾,除咗能夠得到聽覺享受外,視覺享受都好重要。」Mayao更希望樂迷當日能夠以Bling Bling Look入場。Mayao︰「我希望大家到時可以以Bling Bling Look作為Dress code入場,帶出一種好輕鬆、好chill、一齊去參與派對嘅感覺。」

另外,Mayao跟女星們亦會揀選出心目中最具代表性嘅歌曲,包括關心妍的《龐貝21世紀》、何嘉莉的《愈錯愈愛(極樂)》、張新悅的《明知故犯》、趙頌茹的《大孩子》及谷祖琳的《我有權投》等,她們重新編曲及拍攝MV,目的就是想讓樂迷重新留意「那些年」嘅好歌,重新愛上她們。

張新悅展露膊頭。
張新悅展露膊頭。
趙頌茹晒蛇腰。
趙頌茹晒蛇腰。

馬天佑將6位靚媽最靚嘅一面呈現出嚟。
馬天佑將6位靚媽最靚嘅一面呈現出嚟。
第一張海報嘅造型係要營造一個好Nude、好Clean嘅感覺。
第一張海報嘅造型係要營造一個好Nude、好Clean嘅感覺。
關鍵字

最新回應

關鍵字

相關新聞

熱門文章