馬明獲封「高質又麻甩」冠軍

　　(星島日報報道)《思家大戰》中的「思家觀眾大戰」，以「講一個鏡頭前幾高質，鏡頭後勁麻甩嘅TVB男藝員」為題，向TVB台前幕後進行民調問答，據知榮登榜首的男藝員為馬國明，其餘依次為馬德鐘、黎諾懿及鄭嘉穎等！

　　有幕後工作人員透露，馬明榮登「既高質又麻甩」榜首，全因其率性隨意性格：「佢私底下一啲都唔貪靚，有時着件白背心就返工。份人又冇架子喎，成日喺大canteen見到佢自己一個食飯，感覺好似街坊咁，唔講真係唔知佢做幕前。」

　　同樣上榜的黎諾懿則為好友馬國明澄清：「其實馬明一啲都唔麻甩喎，馬明係鍾意踢波咋嘛。馬明喺鏡頭後其實好斯文同好怕醜，尤其一多人或者有女仔喺度。」談到自己上榜，黎諾懿表示：「可能我私底下嘅用詞偶爾會有鄉下話（粗口）。」