「賈名媛」邱芷薇類風濕關節炎轉介公立醫院：望減輕醫藥費

在《愛．回家之開心速遞》中飾演「賈名媛」的邱芷薇，劇中與大小姐龍力蓮飾演一對冤家，可謂要風得風，要雨得雨，不過現實生活中，似乎要迎接不少考驗！去年6月，邱芷薇患上類風濕關節炎，其後男友陳志忠亦確診患上胃癌，難得的是他倆不離不棄，咬實牙關走過低谷。

目前邱芷薇仍然接受治療，昨日在IG貼上嘆朱古力的相片，狀甚寫意，但原來她因為抽了7支血而要補充體力，她說：「自患上類風濕關節炎一年多，雖然病情已經穩定咗，但係因為睇私家醫生醫藥費都比較昂貴，加上在保險方面，因為我的病情唔係最嚴重的類風濕，因此亦不能按照危疾的方向去claim，因此私家醫生另一方面都寫信轉介我去公立醫院，希望可以減輕一下我的醫藥費負擔。」

她續說：「經過一段時間的預約，今朝一早去咗公立醫院進行新症會面，並需要進行一連串的檢查，然後仲要等出報告，再要經公立醫院風濕科醫生評估後，先至會決定接唔接受我這個新症輪候及我嘅排期會唔會比先前預約我2027年8月的schedule可以再行快啲早啲見我！」

後來她更有感而發地說：「今日去到公立醫院的情況真係好多人，基本上搭lift都有排等行樓梯仲快，結果上落各層都行樓梯（你叫我一年前行我都未必行到），唔同嘅部門又唔同嘅樓層，所以係咁排隊輪候，結果前後驗血，照X光，見護士檢查等⋯ 加埋五個鐘頭完成，一般來講公立醫院在檢查方面都尚算全面！驗血都要抽七支血、照X光照晒全身各關節位置，Anyway，無論今次檢查的結果嚴重與否，都希望盡快畀我排期早啲啲啦#類風濕關節炎 #有病趁早醫 #翻風落雨有時都會隱隱痛 #唔好等到變形先來醫 #黃金半年醫治」