衞世輝出殯│安德尊喊不捨 難忘多次發台瘟獲包容

TVB製作部非戲劇分部經理衞世輝上月因心臟病猝逝，終年62歲。昨日在紅磡世界殯儀館設靈，今早舉殯，儀式完畢後，衞世輝胞弟衞日輝手捧哥哥遺照步出靈堂，遺孀黃鳳珍緊隨登上靈車，神情悲傷。

衞世輝縱橫電視圈40多年，與眾多幕後相熟，TVB戲劇製作總監徐正康和資深製電視作人李漢源也前來送別。高層何麗全和安德尊一連兩日到靈堂相伴，二人過去跟衞世輝合作不少大騷，情誼深厚。安德尊臉帶哀傷受訪，說：「輝哥好錫我哋，尤其我剛剛到TVB時候佢幫助我好多，冇嘢做都諗嘢你做，好感謝呢位好朋友。」

二人合作無間太多點滴，安德尊憶起經常整蠱輝哥，難忘曾多次發台瘟獲得包容，並慨嘆：「我哋真係好好朋友，好唔捨得佢，咁年輕，仲係盛年時候，好多嘢可以做，希望佢太太節哀，最難過係佢太太，家屬心情仍然難過。」最後安德尊表示珍惜眼前，希望大家開開心心，放鬆心情享受人生。