安德尊宋芝齡受訪回應緋聞 掌嘴拍大腿挨膊頭公然打情罵俏

安德尊與宋芝齡合作主持TVB婦女節目多年，一直在幕前塑造成歡喜冤家，但日前被拍到蹺手行街，表現親密而傳緋聞，兩人昨日接受TVB娛樂新聞台訪問回應緋聞，兩人同聲否認，不過訪問期間依然公然打情罵俏，安德尊更一度似有點火氣，不時針對主持許文軒（Edmond），令他露出尷尬神色。

訪問中當宋芝齡解釋當日被拍到親密舉動時，安德尊不停反問：「講多嘢做咩，我做咩要回應你，關你咩事先？」、「你理得我啫！似咩層層，你應該問寫個個！」、「我想問你蹺手有咩問題，我哋識咁耐蹺手有咩問題，你理得我哋吖。」、「笑咩呀，你覺得好好笑咩……開心都唔係咁開心，做乜我唔可以搵你哋嚟開心。」宋芝齡見狀即出手掌嘴安德尊的嘴打圓場，另外她又不時挨在他的膊頭上，安德尊又公然拍宋芝齡的大腿，絕冇任何避忌。