独家丨张达明努力写喜剧栋笃笑剧本 设计腕表酬金捐儿童癌病基金
2021-10-09 00:19 
10年前，57岁的张达明因为患有第3期鼻咽癌，由天堂跌落地狱。经历大病后，达明坦言目前唔开心多过开心，但要努力用正能量来面对痛苦及困难，𠵱家人生座右铭系：「take your time,smile your time.」所以首次为腕表做设计会以最爱嘅戏剧艺术及梵高作品做元素，加上笑脸和哭脸面具，喻意「戏剧人生、悲喜之间」。采访：方骞平 摄影：叶君海 手表：万希泉陀飞轮腕表
张达明早前获沈慧林邀请合作设计「演画共融」腕表系列，他将设计酬金全数捐给儿童癌病基金。好有艺术修养嘅张达明过往经常周游列国睇画展，亦曾在美国耶鲁大学学习速写，对于处男设计腕表相当兴奋，仲用咗4个月时间构思及修正，每当腕表踏正12时位置，笑脸就会出现。
写剧本仲搞科技嘢
因为疫情，达明工作量少咗，加上行得唔好，担心夹唔到其他人排戏，所以暂时做唔到舞台剧，多咗时间留喺屋企搞创作及写剧本：「最近交咗啲剧本，好想写套喜剧及做栋笃笑嚟带出欢乐。」问到会否搵爱上睇画展嘅郭富城及一齐行山嘅周润发友情演出喜剧？他即说：「我边有咁高层次呀？」另外，他还搞紧新科技：「之前我设计咗个关于文字嘅电脑程式，但申请专利好贵所以搁置咗，点知被第二家抢先出咗，𠵱家惟有做紧第二个创作，连专家睇过都话very good，但要时间试验及改良。」
關鍵字
最新回应