MIRROR 12子被網民分化 姜濤出言維繫：冇人可以𠝹開我哋

MIRROR六子姜濤、盧瀚霆（Anson Lo)、呂爵安（Edan）、柳應廷（Jer）、江𤒹生（Anson Kong）及陳卓賢（Ian），今日齊集到為他們於12月7及8日演出的《MOOV LIVE Music On The Road》宣傳。

今次音樂會他們六子演出，其他六人會否呷醋？AK表示：「唔會，因為我哋六個可以做今次音樂會都係因為MIRROR，佢哋其他人唔會因為咁而呷醋。」近日有Rapper指這次開騷的六子是「靚仔組」，Edan聞言即搞笑說：「有我同Jer喺就已經唔係靚仔組。」問到六子被外界將組員分成兩批；一批當紅另一批不紅時，會否感到不開心？姜濤即說：「冇人可以𠝹開我們！」AK更說：「MIRROR係心連結的，我們演出揀咩歌，都會問其他成員意見，佢哋都會陪我哋綵排。」此外，早前AL和AK一同騷肌拍內褲廣告，問到姜濤是否一定不會接拍？他笑言：「就算我有膽，都怕嚇破大家嘅膽！」

對於AL和Edan 這對《大叔的愛》的「登神CP」，即將再合體與毛舜筠一起拍新戲，對此Edan只說：「未有這消息，希望盡快有這個消息。」有指Edan其實因仍拍攝ViuTV新劇《i.SWIM》，但劇組為遷就演員檔期，問到Edan劇組是否因等他而要停拍？他即否認說：「唔係等我，因為場地問題，劇組想搵一個露天泳池拍得靚啲，停一停都好，我可以拍MV同做歌。」至於本月中Edan是否劇集、電影兩邊走，他指出應該不會，是否他主動要求電影和劇集工作不要重叠
？Edan謂：「唔係，係公司安排。」是否怕如姜濤般早前暈倒？Edan表示不是，只是覺得身兼拍劇拍戲的確較為辛苦。