獨家丨張達明努力寫喜劇棟篤笑劇本 設計腕錶酬金捐兒童癌病基金
2021-10-09 00:19 
10年前，57歲的張達明因為患有第3期鼻咽癌，由天堂跌落地獄。經歷大病後，達明坦言目前唔開心多過開心，但要努力用正能量來面對痛苦及困難，𠵱家人生座右銘係：「take your time,smile your time.」所以首次為腕錶做設計會以最愛嘅戲劇藝術及梵高作品做元素，加上笑臉和哭臉面具，喻意「戲劇人生、悲喜之間」。採訪：方騫平 攝影：葉君海 手錶：萬希泉陀飛輪腕錶
張達明早前獲沈慧林邀請合作設計「演畫共融」腕表系列，他將設計酬金全數捐給兒童癌病基金。好有藝術修養嘅張達明過往經常周遊列國睇畫展，亦曾在美國耶魯大學學習速寫，對於處男設計腕錶相當興奮，仲用咗4個月時間構思及修正，每當腕錶踏正12時位置，笑臉就會出現。
寫劇本仲搞科技嘢
因為疫情，達明工作量少咗，加上行得唔好，擔心夾唔到其他人排戲，所以暫時做唔到舞台劇，多咗時間留喺屋企搞創作及寫劇本：「最近交咗啲劇本，好想寫套喜劇及做棟篤笑嚟帶出歡樂。」問到會否搵愛上睇畫展嘅郭富城及一齊行山嘅周潤發友情演出喜劇？他即說：「我邊有咁高層次呀？」另外，他還搞緊新科技：「之前我設計咗個關於文字嘅電腦程式，但申請專利好貴所以擱置咗，點知被第二家搶先出咗，𠵱家惟有做緊第二個創作，連專家睇過都話very good，但要時間試驗及改良。」
關鍵字
最新回應