吳君如返母校搞分享會：開心過攞金像獎最佳女主角

吳君如早前為電影《媽媽的神奇小子》四出謝票，同時又要兼顧賀歲電影《闔家辣》的後期製作，但日前她專登抽時間返回母校，分享當年讀書的經歷，希望鼓勵師妹們搵到自己的方向。君如其後在FB分享了短片，當日陳可辛都有陪君如出席，學校的老師帶了他們參觀校舍。

君如表示自己在1982年考會考：「我幾乎科科都『擔梯』，大家知唔知乜嘢叫『擔梯』？即係H，ABCDE係合格，F即係已經唔合格，仲有G同H，明喇？嗰陣我個心諗，唔合格，畀個G我都得呱？究竟個H係乜嘢嚟？真係莫名奇妙。」

她又說：「到咗1985年，考評局取消咗G同H，佢哋都算做咗一件好事，你知我哋留咗成世陰影，究竟係咪衰到要『擔梯』？究竟份卷係咪冇做過？我呢啲呢，就輸在起跑線，雖然我行得比人慢，等到今日，你哋畀機會我，返番嚟母校，今日真係好開心，好榮幸，興奮嘅程度，開心過攞金像獎最佳女主角。」