醫生曾勸放棄搶救蘇樺偉 蘇媽捱過艱苦半生：我為兒子驕傲

今年39歲的蘇樺偉，曾6次為香港在殘奧奪金，贏得「神奇小子」稱號。回想出世時蘇樺偉因患上黃疸病，徘徊生死邊緣。醫生曾勸喻蘇媽：「唔搶救佢，你仲有機會生多個！」但蘇媽卻堅持咬緊牙關，將孩子從死神手中搶回來。慶幸當年懸崖勒馬，造就了今日的「神奇小子」，蘇媽總算苦盡甘來：「好彩我冇放棄佢，今日俾咗咁多光榮我！」

改編自殘障田徑運動員蘇樺偉的電影《媽媽的神奇小子》，自上映以來，贏盡口碑，票房衝破1200萬。在戲中飾演「蘇媽」的吳君如，日前親自訪問現實中的蘇媽，君如大讚對方是「偉大母親」，更直言：「其實我每次同偉仔出去場合，我都有啲負擔㗎！如果我哋好似特別關心佢，又係另類歧視。」

因為一場黃疸病，導致蘇樺偉腦部受損，後來更出現四肢痙攣、嚴重弱聽等併發症。偉仔的成長路，注定比一般人難行，背後的蘇媽感受至深。

一路走來，唔少「有心人」伸出援手，昔日蘇媽含辛茹苦湊大偉仔的「神奇」故事，今日被搬上大銀幕，在首映禮上，蘇媽希望邀請的嘉賓名單水蛇春咁長，身旁的君如都笑說：「我哋首映冇咁多飛㗎！」因為一路上幫她的人實在太多，還笑謂：「我唔係擦鞋呀！冇劉德華，佢個名唔會咁響。」

曾經被社會邊緣化的殘障孩子，今日在田徑場上「跑得比任何人都快」。捱過艱苦的半生，蘇媽一講到兒子的成就，就一臉滿足。「我都無悔有呢個仔㗎！雖然係辛苦⋯⋯我覺得佢喺08年北京奧運攞咗金牌已經完晒夢，偉仔，你真係今生無悔，我為你驕傲！」