文凱婷孫漢霖翻唱《我們再不講再見》 戲言：真係玩死自己

TVB《聲夢傳奇》兩位學員文凱婷（Aeren）和孫漢霖（火雞）早前傳出秘密撻著，不過兩位當事人未有正面承認，但依然不避嫌結伴出席活動或者工作，日前兩人又有新搞作，齊齊與潘靜文（Sherman）和張馳豪（Aska）分成兩個組合，翻唱戴祖儀和涂毓麟的合唱歌《我們再不講再見》。歌曲在他們的YouTube Channel播出後，坊間的反應不俗，有人讚MV的製作認真，內容有故事性，尤其Aeren和火雞的版本勁有情侶feel，觀看次數已經超過6萬8千人！後來他們又上載了一條幕後花絮片，片中兩人不時打情罵俏，睇見都覺得很sweet！

今次MV在鯉魚門取景，拍攝當日天氣相當炎熱，大家都曬到面紅紅，Aeren的右耳更腫了，他們笑說：「今次真係玩死自己，仲玩死啲工作人員，最初我哋諗住喺Aska嘅studio錄音，但係諗諗吓想試吓拍外景，跟住公司真係好好，畀我哋試吓去拍，點知真係好熱！」火雞又笑說：「Aska嘅studio出現咗太多次，所以咪想試吓外景，整體係開心！」