《聲夢》孫漢霖被淘汰 李克勤：如果我有決定權唔會Foul佢

TVB音樂真人騷節目《聲夢傳奇》昨晚播出第6集，藍隊2比3敗給紅隊，需淘汰一名隊員，由藍隊3位導師李幸倪（Gin Lee）、江海迦（AGA）以及衛蘭商議後，選擇淘汰孫漢霖（Steven），成為蔡愷穎和林沚羿後，第3位被淘汰的成員。結果令首席導師兼主理人李克勤也感愕然，在其身旁打定輸數的文凱婷（Aeren）亦非常驚訝爆喊，表現失準以為肯定會被淘汰的林君蓮（Kaitlyn）也低頭無語。
Steven這集與隊長炎明熹和林智樂隊合唱一曲《洋蔥》並取得這回合勝利，Steven對淘汰表示：「如果唔係因為呢個比賽，我只係一個普通維修佬，我好高興認識到大家一齊咁追夢，好慶幸我入到藍隊，但我應該唔會放棄住，會再試一試仲有冇其他機會可以繼續唱歌，好多謝鍾意聽我唱歌嘅人，同埋畀我意見嘅評審同導師，我想信呢個唔係個終結嚟，可能只係一個過程。」他坦言有想過被淘汰，因在比賽中不算突出，最終忍住沒喊是想開心走。
李克勤謂：「咁樣嘅Result揀咗Steven我係估唔到，我以當晚嘅表現嚟睇，起碼佢攞咗《洋蔥》嘅一分，佢值得留底，但比賽就係比賽，決定權喺導師度，只可以講如我有決定權，我唔會揀Steven。」賽後亦有不少網戥Steven被淘汰感不值。
Gin Lee就解釋沒淘汰Aeren的原因，說Aeren的可塑性比較高，直認她的能力未必及得上Steven，但覺得她好努力，亦對她有信心繼續可以進步。