23歲生日緋聞女友文凱婷向孫漢霖送上蛋糕齊齊慶祝

2021-08-16 11:00

昨晚《聲‧夢飛行 First Live On Stage》尾場演唱會，剛巧是孫漢霖（Steven）的正日23歲生日，他與緋聞對象文凱婷（Aeren）在完騷後一齊受訪，他表示生日願望希望觀眾享受演唱會及疫情盡快結束，又透露約好班朋友打邊爐慶祝，問Aeren可會同行？她即笑稱：「我哋都唔係朋友。不過我哋成班學員喺後台已經同壽星仔切蛋糕慶祝生日。」問Aeren可有送禮物？她謂：「我同其他人夾份送蛋糕，我同Steven真係朋友咋。」

提到台上大談兩人緋聞，Aeren表示因不是真的才不怕講，指因跟Steven年紀相近才比較投契。稍後拍劇會否擔心再炒熱緋聞？二人表示有待公司安排，但不會抗拒。若要獻出螢幕初吻給對方也可以？Aeren即時擰頭：「不過睇劇情需要，如果真係需要就再考慮。考慮食多幾粒薄荷糖，有角色當然會做。」而Steven笑說可漱口配合。